Elstu bílarnir

190SL/300SL/300

W108 & W109 (1965 - 1972)

250S, 250SE, 300SE, 280S, 280SE, 280SEL, 280SE3.5, 280SEL3.5, 280SE4.5, 280SEL4.5 (W108)
300SEL, 300SEL3.5, 300SEL4.5, 300SEL6.3 (W109)

---

W108


Tegund	250S, sjálfskiptur
Árgerð	1966
Eigandi	S. Þröstur Tómasson, Þormóðsholti
Aðrar upplýsingar	[05/2003] Þessi bíll er staðsettur á Þormóðsholti í Skagafirði og er hann merkilegur fyrir þær sakir að hann er einn af fyrstu w108 bílunum sem framleiddir voru. Hann er framleiddur snemma árs 1966 og ber raðnúmerið 290.


Tegund	250S, beinskiptur
Árgerð	1966
Eigandi	Þráinn Sigtryggson Landbúnaðarráðuneytið, 1966-1969
Aðrar upplýsingar	[01/2002] Bíllinn var upphaflega í eigu Landbúnaðarráðuneytisins, en var keyptur af núverandi eiganda um 1969. Bíllinn þarfnast viðhalds og er mikið keyrður (eigandi sagðist hafa tekið vélina upp eftir 500.000km akstur). Fjöðrun að aftan er í ólagi og er bíllinn þess vegna verulega siginn að aftan. Eigandi segist lyfta honum reglulega upp með gólftjakk og að sögn hangir hann þannig í nokkra mánuði. Þegar myndin var tekin voru drullusokkarnir farnir að snerta götuna. Bíllinn var sprautaður fyrir um 15 árum og er undirvinnan mjög gróf. Það sést að skipt hefur verið um sílsa og soðið í botn, en að öðru leyti virðist bílinn að mestu óryðgaður þó hann sé grófur.


Tegund	250S
Árgerð	196?
Eigandi	Garðar Schiöth Sigurðsson
Aðrar upplýsingar	[09/2003] Þessi bíll stendur inni í geymsluhúsnæði við hliðina á bílageymslum Fornbílaklúbbsins við Esjumel. Þetta virðist vera 250S bíll sem einhvern tíman hefur verið byrjað uppgerð á, en eins og annað í þessari geymslu þá hefur verkið tafist eitthvað örlítið.


Tegund	250SE, sjálfskiptur
Árgerð	1966
Eigandi	Alli Rúts Þorvaldur Steinþórsson 2006-2007 Björgvin Ólafsson 2005-2006 Haraldur Hannesson, 1996-2005 Einar Magnússon, 1989-1996 Haraldur Hannesson eldri, 1971-1989 Björn Hallgrímsson, 1966-1971
Aðrar upplýsingar	[01/2002] Þessi bíll kom nýr til landsins og var fyrst í eigu Björns Hallgrímssonar og bar þá númerið R-92. Árið 1971 kaupir Haraldur Hannesson (eldri) bílinn og átti lengi. Seinna fær Haraldur Hannesson (yngri) hann og seldi til Einars Magnússonar skólastjóra sem seldi fyrri eiganda bílinn aftur og er bíllinn í höndum hans í dag. [01/2005] Í janúar 2005 kaupir Björgvin Ólafsson bílinn og setur hann á númerið A-6700.


Tegund	250S, sjálfskiptur
Árgerð	1967
Eigandi	Sigurður Kristinn Pálsson
Aðrar upplýsingar	[12/2003] Bíllinn er í uppgerð á Akureyri. Eigandinn segist ætla að setja hann á götuna vorið 2004 og gaman verður að sjá myndir af honum við það tækifæri.


Tegund	280S, beinskiptur
Árgerð	1968
Eigandi	Garðar Schiöth Sigurðsson
Aðrar upplýsingar	[09/2003] Myndir teknar í skemmu við Esjumel


Tegund	280SEL
Árgerð	1969
Eigandi	Jóhannes Kristjánsson
Aðrar upplýsingar	[03/2006] Bíllinn ber númerið A27 og er staðsettur á Akureyri. Sami eigandi hefur átt bílinn frá því 1972. Þó bíllinn virki svartur á myndinni, þá er hann dökkblár.


Tegund	280S
Árgerð	1969
Eigandi	Rúnar Sigurjónsson Gunnar Már Gunnarsson 2003 - 2004 Hákon Árnason 1993 - 2004 Rúnar Sigurjónsson 1991 - 1993 ... Skjólgarður ehf, 1971-1988
Aðrar upplýsingar	[08/2003] Innfluttur notaður 1971, fyrsti eigandi Skjólgarður ehf, var í eigu þess til 1988. Eftir það eru 7 skammtímaeigendur, þar á meðal núverandi eigandi sem átti bílinn árinn 1991 til 1993. Búið er að rífa bílinn töluvert í sundur og eru tveir síðustu eigendur búnir að reyna við uppgerð. Tíma- og aðstöðuskortur hins síðari gerði það að verkum að bílinn hefur verið á hrakhólum allt síðan hann eignast bílinn árið 1998. Núverandi eigandi eignast hann aftur í febrúar 2004 í þeim tilgangi að forða honum frá glötun, ekki hefur verið tekinn ákvörðun hvort hann verður lagaður til eða gerður upp. Til gamans má geta þess að þessi bíll var m.a. ástæða þess að núverandi eigandi gekk í Fornbílaklúbb Íslands á sínum tíma, (en eins og kannski margir vita er hann með þekktari fornbílmönnum í dag).


Tegund	280S, sjálfskiptur
Árgerð	1971
Eigandi	Arinbjörn Gunnarsson Sveinn Þorsteinsson 1999-2002 Gylfi Þ. Gíslason 1971-1999
Aðrar upplýsingar	[01/2002] Þetta er fyrrverandi ráðherrabíll Gylfa Þ. Gíslasonar menntamálaráðherra. Hann átti og ók bílnum þar til hann seldi árið 1999 og var hann hann þá nánast ónýtur vegna ryðs. Skipta þurfti um allar hurðir, skott og húdd. Raunar hefði einnig þurft að skipta um flest bretti og þar með talið innribrettin að aftan. Bíllin var uppgerður og sprautaður við mjög þröngar og erfiðar aðstæður sem birtist líka í ójafnri áferð og sumstaðar hamraðari sprautun. Hann er þó fallegur við fyrstu sýn úr hæfilegri fjarlægð. Vélin er aðeins farin að slitna eins og vænta má og eyðir bíllinn eitthvað af olíu.


Tegund	280SE (280S), beinskiptur RIP
Árgerð	1971
Eigandi	Gunnar Már Gunnarsson ... Jóhann Hafstein, 1971-?
Aðrar upplýsingar	[01/2002] Innfluttur nýr og skráður fyrst þ. 11.11.70. Var fyrst í eigu Jóhanns Hafstein. Bíllinn er upphaflega framleiddur sem 280S, en skipt hefur verið um vél og honum breytt í 280SE. Hann var einnig upphaflega grænn á litinn, en hefur verið uppgerður og þá sprautaður svartur. [11/2008] Bíllinn er að öllum líkindum ónýtur. Pólverji tók að sér að gera bílinn upp og klára fyrir sprautun, en guggnaði þegar hann var hálfnaður með verkið og hafði rifið hann allan í parta. Hann flutti síðan bílinn í geymslu til Sandgerðis, þar sem hann endaði úti og krakkar hoppuðu á toppinum, húddinu og skottlokinu. Allt gler í bílnum ver einnig brotið. Bíllinn stendur í dag við bæinn Bakkakot við Suðurlandsveg.


Tegund	280SE
Árgerð	1970
Eigandi	Skorri Andrew Aikman Bifreiðar & landbúnaðarvélar hf, 1999-1999 Einar Kárason, 1998-1999 Brimborg ehf, 1998-1998 Þórunn E Baldvinsdóttir, 1996-1998 Einar Magnússon, 1995-1996 Guðmundur Gunnlaugsson, 1994-1995 Björn Gunnlaugsson, 1993-1994 Guðmundur Gunnlaugsson, 1973-1993 ...
Aðrar upplýsingar	[07/2002] Bíllin var upphaflega hvítur og er nú ljósbrúnn, fallegur á að líta og búið er að leðurklæða sætin.


Tegund	280SE, sjálfskiptur
Árgerð	1971
Eigandi	Þorvaldur Steinþórsson Ólafur Kolbeinsson 1999-2007 Sindri A. Sigurgarðsson 1994-1999 Ólafur Helgason 1987-1994 Gísli Kjartansson 1985-1987 Jón K. Guðmundsson 1973-1985
Aðrar upplýsingar	[03/2006] Jón K Guðmundsson flytur bílinn inn árið 1973 og bar hann þá A skráningarnúmer. Hann selur síðan Gísla Kjartanssyni bílinn árið 1985 og fór hann þá fyrst á M-númer. 1987 selur hann bílinn til Ólafs Helgasonar, og var settur á skráningarnúmer M-51 sem að hefur haldist síðan. 1994 kaupir Sindri A Sigurgarðsson bílinn og Núverandi eigandi eignast hann svo í september 1999. Þess má kannski geta að uppgerðin sem hófst 1999 tók um 5 ár með hléum, þurfti að skipta um bæði frambrettin smíða og stansa nýja hurðarbotna laga sílsa og eitthvað smá í hjólaskálar að aftan, ný dekk og rafgeymir, pústkerfi, ný teppi og innrétting var öll lituð upp á nýtt svo og var hann heilsprautaður (stykkjasprautaður) sem kallað er. Bíllinn var ótrúlega heillegur þegar núverandi eigandi fékk hann, sennilega hefur það orðið honum til bjargar að hann var aldrei hér í Reykjavik í saltaustrinu heldur elur sinn aldur á Akureyri og Borgarnesi.


Tegund	280SE, sjálfskiptur
Árgerð	1972
Eigandi	Axel Sölvi Axelsson
Aðrar upplýsingar	[09/2003] Innfluttur notaður og skráður fyrst hérlendis þ. 29.05.74.


Tegund	280SE
Árgerð	1972
Eigandi	Einar Karel Sigurðsson
Aðrar upplýsingar	[09/2002] Bíllinn hefur undanfarin ár verið á Akranesi, en hefur nú síðustu mánuðina verið hér á mölinni. Hann var til sölu fyrr á árinu og hefur e.t.v. nú verið seldur í bæinn. Bíllinn er orðinn mjög ryðgaður og þarfnast aðhalds fljótlega ef hann á að eiga sér einhverrar viðreisnar von.


Tegund	280SE
Árgerð	1971
Eigandi	Gísli Rúnar Víðisson.
Aðrar upplýsingar	[03/2006] Samkvæmt heimildum BÓ er þessi bíll kominn til Akureyrar.


Tegund	280SE 3.5, sjálfskiptur
Árgerð	1971
Eigandi	Dagur Eyjar Helgason
Aðrar upplýsingar	[01/2002] Bíllinn hefur staðið í nokkur ár, eða frá því að sjálfskiptingin bilaði og honum var lagt. Hann er mjög ryðgaður og grindin brotin að aftan þannig að afturhlutinn hangir niður og að öllum líkindum er bíllinn ónýtur. Eigandinn á tvo aðra bíla, einn sem hann er að gera upp í skúr við Háaleitisbraut (280SE 4.5, silfurlitaður) og annan austur í Landeyjum. Innréttingin úr þessum bíl fer líklegast í bílinn sem hann er að gera upp.


Tegund	280SE 3.5, sjálfskiptur
Árgerð	1971
Eigandi	Páll Kári Pálsson
Aðrar upplýsingar	[10/2002] Þessi bíll lítur mjög vel út eins og reyndar fleiri Benzar Páls Kára (280SL'68, 300SL'86). Hann er á númerum, en er lítið notaður og sést þess vegna sjaldan á götunum. Hann var gerður upp hér fyrir einhverjum árum og var þá ryðbættur, sprautaður og sett í hann leðursæti og hurðaspjöld. Bíllinn er búinn að vera í eigu núverandi eiganda síðastliðin 20 ár.


Tegund	280SE 3.5, sjálfskiptur
Árgerð	1972
Eigandi	Gunnar Már Gunnarsson Sigurður Þorvaldsson ?-2006
Aðrar upplýsingar	[08/2002] Bíllinn lítur þokkalega út, en er eitthvað er hann farinn að skemmast á frambrettum við lista. Búið er að setja á bílinn sílsalista, drullusokka, dráttarkúlu og álfelgur.


Tegund	280SE 3.5, sjálfskiptur
Árgerð	1972
Eigandi	Ólafur Ólafsson og Gréta Sigursteinsdóttir
Aðrar upplýsingar	[08/2003] Bíllinn er staðsettur norður í Eyjafirði og hefur staðið úti í nokkur ár og er farinn að láta dálítið á sjá eftir útveruna. Innspýtingarheilinn í bílnum er bilaður og var ætlunin hjá eigandanum að gera bílinn upp, en ekkert hefur orðið úr því sem stendur og er bíllinn falur.


Tegund	280SE 3.5, sjálfskiptur
Árgerð	1972
Eigandi	Gísli Reynir Runólfsson Ólafur Jóhann Óskarsson, 1982-2009 Valdimar O Hermannsson, 1981-1982 Guðmunda Agnes Jónsdóttir, 1981-1981 Hanna Edda Halldórsdóttir, 1980-1981 Vík sf, 1979-1980 Páll Hlöðversson, 1977-1979
Aðrar upplýsingar	[21/2009] Bíllinn var búinn að vera í geymslu í 21 ár þegar núverandi eigandi eignast hann. Hann er standsettur og látinn á númer í maí 2009, en fyrrverandi eigandi hafði sett bílinn í langtímageymslu eftir smávægilegt tjón á hægra frambretti tveim áratugum áður.


Tegund	280SE 3.5, sjálfskiptur
Árgerð	1972
Eigandi	Hákon Árnason, 2002-2009 Gunnar Már Gunnarsson, 2002-2005 Ottó Valur Kristjánsson, 1999-2002 Helgi Rúnar Theódórsson, 1997-1999 Rúnar Sigurjónsson og Örn Sigurðsson, 1996-1997 Atlas hf, Ásgeir Valhjálmsson, 1974-1996
Aðrar upplýsingar	[10/2002] Innfluttur notaður og skráður fyrst hérlendis þann 11.02.74. Fyrsti eigandi var Atlas h.f. (Ásgeir Valhjálmsson) og var bíllinn í eigu þess til 12.06 96 er Rúnar Sigurjónsson og Örn Sigurðsson eignuðust bílinn og gerðu upp. Frá þeim fór bíllinn til Helga Rúnars Theódórssonar er átti hann í tvö ár og keypti svo Ottó Valur bílinn í júnílok árið 1999. Gunnar Már keypti bílinn í byrjun október 2002. [09/2009] Bíllinn var seldur sumarið 2009 til Danmerkur.


Tegund	280SE 4.5
Árgerð	1972
Eigandi	Dagur Eyjar Helgason
Aðrar upplýsingar	[01/2002] Bíllinn var innfluttur frá Bandaríkjunum fyrir meira en áratug. Þegar á reyndi þá stóðst hann ekki væntingar þess sem flutti bílinn inn og stóð hann þess vegna lengi á tollsvæðinu niður við höfn þar sem hann ryðgaði hratt og fúnaði að innan. Bíllinn fór síðan á uppboð og var hann keyptur af bílapartasölunni við Rauðavatn. Núverandi eigandi keypti hann síðan fyrir nokkrum árum af bílapartasölunni og ætlar sér að gera hann upp. Hann er búinn að rífa bílinn sem er mjög ryðgaður og stendur hann nú í bílskúr við Háaleitisbraut.


Tegund	280SE 4.5
Árgerð	1973
Eigandi	Sigurður
Aðrar upplýsingar	[04/2006] Þetta er bíll sem er nýinnfluttur frá Bandaríkjunum (jan 2006) og stendur í porti Altantsskip þessa dagana. Hann verður vonandi leystur út fljótlega því hann á ekki eftir að fara vel þarna í saltrokinu við sjóinn. Bíllinn er annars mjög fallegur og er greinilega ný búið að taka hann í gegn og sprauta. Innréttingin hefur sömu leiðis verið tekin í gegn og lítur mjög vel út. Sölusíða með þessum bíl í Bandaríkjunum: http://www.hotautoweb.com/73mb280.html


Tegund	280SE
Árgerð	óþekkt
Eigandi	óþekktur
Aðrar upplýsingar	[09/2003] Þessi bíll er staðsettur á Geymslusvæðinu í Hafnarfirði og hefur einhvern tíman verið rifinn og gluðað yfir en aldrei verið kláraður (e.t.v. vegna misheppnaðar sprautunar). Bíllinn hefur greinilega staðið lengi úti og er orðinn mjög ryðgaður í botninn og mosavaxinn að innan.


Tegund	280SE
Árgerð
Eigandi	Ásgrímur Þórhallsson
Aðrar upplýsingar	[03/2006] Bíllinn er staðsettur á Hafralæk.


Tegund	280SE RIP
Árgerð
Eigandi
Aðrar upplýsingar	[Nóvember 2008] Bíllinn var pressaður í framhaldi af því að hann lenti í portinu hjá Vöku haustið 2008. Hvaðan bíllinn kemur er ekki vitað.

W109


Tegund	300SEL 3.5
Árgerð	1971
Eigandi	Hjalti Geir Guðmundsson
Aðrar upplýsingar	[09/2002] Bíllinn var upphaflega í eigu forstjóra Ölgerðarinnar, en var síðar keyptur af Guðmundi Guðjónssyni lækni og er nú í eigu sonar hans. Hann var upprunalega grænn, en hefur einhvern tíman verið sprautaður rauðgylltur. Að sögn eiganda er kram bílsins í góðu lagi, en lakkið er orðið lélegt og ætlar hann að láta sprauta hann aftur í upprunalega græna litnum. Bíllinn verður þó ekki uppgerður í bráð og er á leið í geymslu í bílageymslur Fornbílaklúbbsins við Esjumel.


Tegund	300SEL 3.5
Árgerð	1971
Eigandi	Sævar partasali Jón Valdimarsson ?-2003
Aðrar upplýsingar	[12/2003] Bíllinn stendur úti í bakgarði húss í Garðabæ. Hann virðist í fljótu bragði vera í þokkalegu standi, fyrir utan nokkrar dældir og ryðmyndun í frambrettum. Yfir höfuð er hann þó ekki mikið ryðgaður. Ástand á vél og skiptingu er óþekkt.


Tegund	300SEL 3.5
Árgerð	1972
Eigandi	Jónas Hermannsson
Aðrar upplýsingar	[01/2002] Bíllinn er staðsettur í gám á Höfn í Hornafirði. Byrjað var að gera hann upp og búið er að ryðbæta að mestu. Hann hefur verið rifinn í spað við uppgerðina og er þess vegna í pörtum. Sumt af dótinu er í gáminum, annað á heimili eiganda og einhverjir hlutir hjá Fornbílaklúbbnum. Bíllinn er til sölu.


Tegund	300SEL 3.5
Árgerð	1972
Eigandi	Haraldur Rúnar Bjarnason Steinar Harðarson 1982-2005
Aðrar upplýsingar	[02/2003] Bíllinn hefur staðið í bílskúr á Reyðarfirði síðan honum var ekið þangað árið 1984. Að sögn eiganda hefur hann þó verið gangsettur með reglulegu millibili og þarf lítið til að gera hann kláran á götuna aftur, líklega ekki meira en að skipta um hjólalegur og yfirfara bremsur. Lakkið er víst orðið eitthvað dauft og upplitað, en bíllinn er að örðu leiti nánast ryðlaus enda hefur hann staðið inni 2/3 af lífdögum sínum. Steinar keypti bílinn í kringum 1982. [03/2006] Bíllinn er kominn á höfuðborgarsvæðið og hefur skipt um eiganda. Hann var reyndar fluttur til Reykjavíkur síðastliðið haust, en ekki gafst tækifæri til að mynda hann fyrr en nú.


Tegund	300SEL 6.3
Árgerð	1967
Eigandi	Sveinn Þorsteinsson Haraldur Hannesson, 1986-2002 Geir Þorsteinsson, 1971-1986 Fyrirtækjabíll í þýskalandi, 1967-1971
Aðrar upplýsingar	[05/2002] Þetta var upphaflega bíll Geirs Þorsteinssonar fyrrverandi forstjóra Ræsis. Hann átti bílinn til ársins 1986 en þá eignaðist sölumaður hjá Ræsi hann. Lagt var af stað í alsherjar uppgerð á bílnum sem í heildina tók um 17 ár, en bíllinn stóð reyndar mest allan tímann óhreyfður ýmist í bílskúrum eða á verkstæðum. Þegar núverandi eigandi eignaðist hann, vorið 2002, var búið að taka upp vélina og sprauta bílinn. Honum hafði verið lauslega tyllt saman og var hann troðfullur af drasli bæði úr bílnum sjálfum og öðrum varabíl. Bíllinn var síðan endur-skáður og skoðaður haustið 2002.